［下午茶台式外賣］

老媽拌麵呢間餐廳成日聽到有人講起，但係因為分店唔係好就腳，所以一直想試都未試過。 餐廳喺港島區開咗新店，就搵日經過順路買外賣返屋企試下。 上環信德中心呢個位置都幾方便我，店舖座位不多，主打外賣服務。下午三時嚟攞外賣回家慢慢歎，做下午茶最好不過。

叫咗私房花雕雞拌麵，嫩雞用上麻油、老薑同花雕煮，未返到屋企攞住個紙袋，已經散發香氣出嚟。麵條拌醬汁，非常美味，刀削麵亦好彈牙。

主食加15蚊，仲可以做套餐，有燙青菜同埋一杯飲品，我就揀咗檸檬冬瓜茶。冬瓜茶好清新，有少少黑糖味，好解渴。 呢個套餐份量都好足夠，食完好飽好滿足。